Румынияда өткөн эл аралык музыкалык сынакка 50гө чукул өнөрпоз катышты. Бул тууралуу сынактын жеңүүчүсү Мыктыбек Нурланбеков Sputnik Кыргызстан радиосуна маек куруп жатып билдирди.
Анын айтымында, сынакка Украина, Молдова, Румыния жана Кыргызстандын таланттары катышкан.
"Конкурсанттардын саны 50гө чукул болду. Мен Атай Огонбаев атабыздын "Эсимде" ырын аткарып, баш бейгени жеңип алдым. Кубанычымда чек жок. Буюрса кыргыз элибиз колдоп турса, мындан башка дагы сынактарды багынтууга даярбыз. Бизге көмөктөшкөн Маданият, маалымат жана туризм министрлигине ыраазычылык билдирем", — деди Нурланбеков.
Ал сынак Румыниянын Пиатра Ниамц шаарында 24-27-август күндөрү өткөнүн кошумчалады.
Эске сала кетсек, Нурланбеков буга чейин Молдовада өткөн конкурста дагы баш бейгени жеңип алган.
