Өлкө башчы өз сөзүндө өкмөттүн жаңы курамы жаштардан куралганын баса белгилеген.
"Менин дагы 1-декабрга чейин мөөнөтүм бар. Кызматтан кеткенден кийин ишенген бир досум президент болуп калабы деп ойлоп турам. Өзүм өстүргөн жаш жигит премьер-министр болду. Өкмөткө жаштар келди. Алар мен баштаган жол менен кетерине ишенем. Ошондой эле бүтпөй калган иштерге көз салышат. Анын арасында ушул Ынтымак айылынын маселелери да бар", — деди Атамбаев.
Ушу тапта өлкө башчы Ош облусунда жүрөт. Иш сапардын жүрүшүндө ал жаратылыш кырсыгынан жабыр тарткан Өзгөн, Чоң-Алай райондорунун жашоочулары менен жолугушат.
