БИШКЕК, 27-авг. — Sputnik. Үстүбүздөгү жылдын жети айынын аралыгында өлкө боюнча тамакка улангандардын саны 212 кишиге жеткенин Саламаттык сактоо министрилиги билдирди.
Маалыматка ылайык, бул мезгил ичинде 66 уулануу фактысы катталган. Анын экөө коомдук жайларда болгон окуя. Министрлик акыркы убакта мурунку жылдарга салыштырмалуу массалык уулануу фактылары эки эсеге азайганын белгиледи.
"Санитардык-эпидемиологиялык коопсуздукту камсыздоо максатында тийиштүү органдар тарабынан текшерүү жүргүзүлүп, натыйжада жетекчилик кызматта иштеген 4167 кишиге айып пул салынган. Мындан тышкары, 2359 объектинин иши токтотулду. Медициналык кароодон өтпөгөн 3890 адам ишинен четтетилген", — деп жазылат билдирүүдө.
Текшерүүнүн жыйынтыгы менен 106 материал укук коргоо органдарына жөнөтүлгөн.
