БИШКЕК, 27-авг. — Sputnik. Газанын жүздөгөн жашоочулары ишемби күнү кечинде 30 жылдан бери биринчи ирет кинотеатрга барышты. Бул туурасында РИА Новости Франс Пресс агенттигине таянып кабарлады.
Газадагы "Самер" деп аталган эски кинотеатр көрүүчүлөр үчүн эшигин бир күн гана ачты. Ишемби күндөгү сеанска 300гө чукул аял-эркек келген. Аларга Израилдин түрмөлөрүндө отурган палестиналыктар тууралуу "Он жыл" деп аталган толук метраждуу тасма тартууланды. Картина толугу менен Газа аймагында тартылган.
Агенттиктин маалыматына караганда, "Самер" кинотеатры 1944-жылы курулуп, бирок 1960-жылдары жабылып калган. Аталган аймактагы калган кинотеатрлар 1980-жылдын соңунда "биринчи интифада" мезгилинде эшиктерин узакка жапкан.
Элге кино көрсөтүүнү уюштурган Гхада Сальми агенттикке бул иш-чара "Газадагы кинонун кайра жаралышынын" символу экенин айтып берген.
Палестиналык биринчи интифада (1987 — 1991-жылдар) палестиналыктардын израилдиктердин 2967-жылы болгон алты күндүк согушта аймактарды басып алуусуна көрсөтүлгөн каршы күрөшү.
