БИШКЕК, 25-авг. — Sputnik. Күзүндө Бишкек шаарынын жаңы курулган жана оңдолгон көчөлөрүнө 18 миңдей көчөт тигилет. Бул тууралуу шаардык мэрия билдирди.
Маалыматка ылайык, жалпы жонунан 17 миң 928 көчөттү "Зеленстрой" муниципалдык ишканасы отургузат. Анда мекеме 1483 ийне жалбырактуу, 10 миңден ашык каштан, катальпа, акация, кайың, эмен өңдүү бак-дарактардын көчөттөрүн тигет.
Жашылдандыруу аракеттери калаанын Киев, Панфилов, Токтоналиев, Логвиненко, Токомбаев, Масалиев, Разаков, Орозбеков, Москва, Бөкөнбаев жана Рыскулов көчөлөрүн камтыйт.
