БИШКЕК, 24-авг. — Sputnik. Оштогу ресторандардын биринде чыккан массалык мушташты токтотуу үчүн милиционерлер эки ирет асманга ок чыгарган. Бул тууралуу калаанын ИИББинен билдиришти.
23-августтан 24-августка караган түнү төрт жигит топтошкон балдар менен мушташа кеткен. Коопсуздук кызматынын өкүлдөрү чырды токтото албай калгандыктан, милицияны чакырышкан.
Анткен менен тартип сакчыларынын дагы күчү жетпей калгандыктан асманга эки ирет эскертүүчү ок чыгарган.
Мушташтын катышуучулары кармалып, тергөө иштери жүрүп жатат.
