БИШКЕК, 24-авг. — Sputnik. Бишкекте адамдарды сабап, өлтүрүп алардын акчасын террордук топторго жөнөтүүнү пландаган киши кармалганын Улуттук коопсуздук комитетинен кабарлашты.
Кыргызстанда буга чейин Кылмыш жаза кодексинин 226чы (террордук ишмердүүлүктү каржылоо), 230чу (бандит) жана 168-беренелери (каракчылык) боюнча кылмыш иши козголуп издөө салынган киши кармалды.
"Кармалган киши террордук топтун курамында экени аныкталды. Ал өз уюмун каржылап, терактыларды уюштуруу үчүн элди карактоону пландап жүргөн. Мындай иштерди аткаруу үчүн ал атайын даярдыктан өткөн", — деп айтылат маалыматта.
Террордук топ курал-жарактарды сактап келгени да аныкталган. Учурда кармалган киши Улуттук коопсуздук комитетинин убактылуу кармоочу жайына киргизилди.
