БИШКЕК, 23-авг. — Sputnik. Чолпон-Ата шаарында өткөн "Ысык-Көл — 2017" экономикалык форумунун жыйынтыгы тууралуу Евразияык комиссиянын маалымат кызматы билдирди.
Бул иш-чарага ЕАЭБге мүчө бардык мамлекеттердин вице-премьерлери жана Евразиялык экономикалык комиссиянын төрагасы Тигран Саркисян да катышты. Ал евразиялык интеграциянын өнүгүшүн шарттаган алты негизги багыттарды белгиледи. Алар:
- ЕАЭБ мамлекеттеринин экономикалык өнүгүүсүнүн жакындашы;
- Жалпы рынокторду түзүү жана тоскоолдуктарга каршы күрөшүү;
- Биримдиктин экономикалык аймагын санарипке өткөрүү;
- Транспорттук коридор жана логистикалык инфраструктураны түзүү;
- Сырткы экономикалык кызматташуу; "тиричилик интеграциясы" же ЕАЭБ мамлекеттеринде жашаган кишилердин интеллектуалдык мүмкүнчүлүгүн толук ачып берүүгө шарт түзүү;
- Социалдык кепилдик жана укук.
Форумдун катышуучулары ЕАЭБ мамлекеттери бириккенде чынында экономикалык, материалдык, интеллектуалдык жактан бир күчкө ээ экенин бир ооздон айтышты.
Казакстандын премьер-министринин биринчи орун басары Аскар Мамин биримдикке кирген мамлекеттер 180 миллион кишилик рынокко чыгууга мүмкүнчүлүк алганы менен ал үчүн күрөшүү да керектигин билдирди.
"Бул рынокто өнүгүүгө жол ачылат. Ошол эле учурда биз өзүбүздүн атаандаштык жөндөмүбүздү далилдеп, ошого ылайыкталган товар менен технологияга ээ болушубуз керек. Бул биз үчүн такай өнүгүүгө стимул берет", — деди ал.
Форумдун катышуучулары ЕАЭБ мамлекеттери бириккенде чынында экономикалык, материалдык, интеллектуалдык жактан бир күчкө ээ экенин бир ооздон айтышты.
