БИШКЕК, 22-авг. — Sputnik. АКШнын Коргоо министри Жеймс Мэттис АКШнын бир катар союздаштары Афганистандагы аскерлердин санын көбөйтүүгө даяр экендигин айтты.
"НАТОнун башкы катчысы жана союздаштар менен сүйлөшүүлөрдү жүргүзөм, алардын бир катары аскерлердин санын көбөйтүүгө даяр экендиктерин айтышты. Афганистандагы коопсуздукка биргелешип жардам берип, террордуктун чынжырын үзөбүз", — деп министрдин айтканын маалымат кызматы таратты.
Ал Штабдардын биргелешкен комитетинин төрагасынан "президенттин (Дональд Трамп – ред.) стратегиясын аткаруу үчүн даярдык көрүү чараларын көрүүнү" талап кылды.
Буга чейин АКШ президенти Дональд Трамп АКШ мындан ары террорчулукка каршы күрөшкөн аскерлердин санын, дегеле мындан аркы өзүнүн пландарын жар салбай тургандыгын айткан.
Жекшемби күнү CBS телеканалына маалымат булагы Трамп дүйшөмбүдө Афганистанга кошумча дагы төрт миң аскер жибере турганын билдирди деп айткан.
