БИШКЕК, 21-авг. — Sputnik. Ош шаарында автоунаа жол четинде турган кызды коюп кетип, ал ооруканага алып баратканда каза болгон. Учурда Ош шаардык Кайгуул милиция бөлүмү тарабынан окуяны иликтөө иштери башталып, кылмыш иши азырынча козголо электигин аймактык кабарчыга Ош шаардык Кайгуул милиция бөлүмүнүн маалымат катчысы Чолпон Арстанбеков билдирди.
Жабыркаган кыз Ош шаардык ооруканага жетпей жолдо каза болгон. Окуя тууралуу күбөлөр милиция кызматкерлерине билдирип, айдоочу окуя болгон жерден кармалган. Текшерүүнүн жыйынтыгында ал Кара-Суу районунун Дыйкан-Кыштак айыл аймагынын 23 жаштагы жашоочусу экендиги аныкталды.
Ал эми каза болгон кыз 1994-жылы туулган Кара-Суу районунун Отуз-Адыр айыл аймагынын тургуну болгон. Учурда териштирүү иштери жүрүп жатат.
