Актан Арым Кубат: "Кентавр" тасмасы Финляндияда алгачкы ирет көрсөтүлөт
"Кентавр" тасмасы Финляндияда алгачкы ирет көрсөтүлөт. Бул тууралуу аталган тасманын режиссеру Актан Арым Кубат Sputnik Кыргызстан радиосуна маек куруп жатып билдирди.
Финляндиялыктар "Кентаврды" 14-24-сентябрда көрө алышат.
"Сүйүү жана Анархия" деп аталган кинофестивалга тасмабыз чакыруу алды. Буюрса "Кентавр" Финляндияда алгачкы ирет көрсөтүлгөнү жатат. Кечээ жакында эле Астанада кинофестивалга катышып, мыкты режиссер аталдык", — деди Актан Арым Кубат.
Кинофестивалга катышып жаткан фильмдер Хельсинкинин 17 кинотеатрында көрсөтүлмөкчү.
Буга чейин "Кентавр" бир канча ири кинофестивалдарга катышып, бир нече ирет байгелүү орундарга татыган.
"Кентавр" — өз элинин улуттук баалуулуктарынын сакталып калышына жан үрөгөн адам тууралуу тасма.
