Мусаева: ысык тамак берген мектептердин саны миңден ашты
Ысык тамак берген мектептердин саны 1146га жетти. Бул тууралуу Билим берүү жана илим министрлигинин өкүлү Назгүл Мусаева Sputnik Кыргызстан радиосуна маек куруп жатып билдирди.
Анын айтымында, окуучуларга берилген ысык тамактын сапаты жакшырууда.
"Ысык тамак берүү сентябрь айынан тарта уланат. Буюрса 2006-жылдан бери 1-4-класстын окуучуларына ысык тамак берилүүдө. Ал эми 2013-жылдан тарта мектептердеги ашканаларды оңдоо иштери башталып, учурда ысык тамак берген мектептердин саны 1146га жетти", — деди Мусаева.
Ал калган мектептерге дагы шарттарды түзүү иштери улантыларын, ага чейин ысык чай жана таттуу токочтор берилип турарын кошумчалады.
