БИШКЕК, 14-авг. — Sputnik. Бир катар кылмыштарды жасагандыгы үчүн мамлекеттер аралык издөөгө алынган экстремист кармалганын Улуттук коопсуздук боюнча мамлекетттик комитет билдирди.
Подозреваемый в экстремизме
© Фото / пресс-служба ГКНБ КР
Маалыматка ылайык, кармалган кыргызстандык киши КМШ өлкөлөрүнүн биринде жашырынып, экстремисттик ячейканы жетектеп келген.
"Ал чет элдик экстремисттик борборлордун тапшырмаларын аткаруу менен Кыргызстандын облустарынын биринде жаштар арасында үгүт иштерин жүргүзүп, радикалдуу идеологияны таратып, жашыруун ячейка түзө баштаган", — деп айтылат маалыматта.
Ал экстремисттик ишмердүүлүккө тиешеси бар экенин мойнуна алып, убактылуу кармоо жайына киргизилди.
