БИШКЕК, 11-авг. — Sputnik. Чыңгыз Айтматов атындагы орус улуттук драма театрынын спектакли Минск шаарында "ТЕАРТ" VII эл аралык театралдык форумунда коюлат. Бул боюнча фестивалдын расмий сайтында жарыяланды.
Маалыматка караганда, фестивалда Михаил Лермонтовдун "Герой нашего времени" чыгармасынын негизинде коюлган Владимир Панковдун "Демон" спектакли тартууланмакчы.
Форум 27-сентябрдан 16-октябрга чейин Минск шаарында өтөт.
Анын программасына Белоруссия, Латвия, Франция, Германия, Италия, Россия, Словения жана Кыргызстандан барган 19 чыгарма кирет.
"ТЕАРТ" — Минкс шаарында 2011-жылдан бери өткөрүлүп келе жаткан театр ишмерлери арасында жогору бааланган форум. Ага жыл сайын Аргентина, Россия жана Европанын бир катар өлкөлөрүнөн келген өнөр адамдары катышат.
