БИШКЕК, 9-авг. — Sputnik. Кытайдын түштүк-батышындагы Сычуань провинциясында магнитудасы 6,5 баллага жеткен жер титирөө болуп, жыйынтыгында 12 киши каза болгонун жергиликтүү ЖМКларга шилтеме берип РИА Новисти жазды.
Маалыматка караганда, жабыр тарткандардын саны 175ке жетип, анын 28и оор абалда.
地震发生时，新疆精河县一居民家中监控拍摄画面。 #新疆地震 pic.twitter.com/Hsmef5SfWA
— New China 中文 (@XinhuaChinese) 9 августа 2017 г.
Куткаруу иштери улантылууда. Ага медиктер менен куткаруучулардан тышкары, 1300 полиция кызматкери дагы тартылды.
"Күчү 6,5 баллга жеткен жер титирөө Сычуань провинциясында кечээ Бишкек убактысы менен 19.19да катталган. Кийинчерээк Кытай сейсмология борбору силкинүүнүн магнитудасы 7 баллга жеткенин аныктады", — деп айтылат макалада.
Кытайдагы таңкы жер титирөөнүн эпкини Кыргызстан менен Казакстанда да тийди.
КР Сейсмология институтунан билдиришкендей, очогу Бишкектен болжол менен 500 чакырым алыстыкта жайгашкан жер титирөөнүн күчү Кыргызстанда 2-3 баллга жетти
Ал эми Sputnik Казакстан агенттиги Казакстанда жер титирөө төрт баллга жакындаганын жазды.
