Жаңы салынган веложол бир гана велосипед сүйүүчүлөр үчүн эмес, бардык шаардыктардын эс алуу жайына айланышы үчүн тегерегине бир нече башка объектилер курулгандыгын Sputnik Кыргызстан агенттигине Ош мэриясынын маалымат кызматынын жетекчиси Талант Канатбек уулу билдирди.
"Ош шаардык мэриясы тарабынан демилгеленип жана каржыланган жолдун курулушу аягына чыкты. Жакында ачылышы болуп, ага мамлекет жетекчилери катышат деп күтүп жатабыз. Ак-Буура дарыясын бойлой салынган жол Токтогул сейил багынан тарта Навои сейил багынын ортосуна чейин созулат", — деди Канатбек уулу.
Анын айтымында, ушул эле долбоордун аркагында бир нече сквер, Ак-Буура дарыясына көпүрө жана спорттук аянттар түштү. Дагы эки объекти курулуш иштери бүткөнү турат.
Жаңы веложолдун асмандан көрүнүшүн Sputnik Кыргызстандын материалынан көрүңүз>>
