БИШКЕК, 7-авг. — Sputnik. АКШдагы Массачусетс штатынын деңиз балыкчылыгы боюнча агенттигинин кызматкерлери ак акула түшкөн уникалдуу видео тартып алышты.
Агенттиктин кызматкерлери туш болгон окуянын видеосун Facebook баракчасына жарыялашкан. Видеодон төрт метрлик акуланын камераны тиштөөгө аракет кылганын көрүүгө болот. Ошондой эле камера акуланын курч тиштери кандай экенин да тартып алган.
The Daily Mail басылмасынын билдиришинче, окуя Атлантика океанында АКШнын түндүк-чыгышындагы Кейп-Код жарым аралдарынын жээгинде болгон.
