Чемпионатка Россия, Кыргызстан, Казакстан жана Украинадан 100дөн ашуун спортчу катышты
АСТАНА, 30-июл. — Sputnik. Алия Самидин. Кыргызстандык спортчулар Астана шаарында өткөн триатлон боюнча республикалык ачык чемпионатта 3 алтын, 3 күмүш медаль утуп алышты.
Чемпионатка Россия, Кыргызстан, Казакстан жана Украинадан 100дөн ашуун спортчу катышты.
Триатлон паркында өткөн таймашка Кыргызстандан 20га чукул спортчу катышты. Таймаш үч этаптан туруп, алгач спортчулар Эсиль дарыясынан 1,9 чакырым аралыкты сүзүп өттү. Андан соң велосипед менен 90 чакырым аралыкты басып өткөн спорчулар, таймаштын үчүнчү этабында 21 чакырым аралыкка чуркады.
Таймаштын жыйынтыгында 30-34 жаш категориясында кыргызстандык спорчулар Юлия Фернас (5 саат 02 мин.), 18-24 жаш категориясында Александр Требунский (4 саат 23 мин.) жана 45-49 жаш категориясында Андрей Ханадеев (4 саат 38 мин) алтын медалга ээ болушту.
Ал эми 30-34 жаш категориясында Айзада Тыналиева (5 саат 52 мин.) жана 30-34 жаш курагында Чыңгыз Алканов (4 саат 35 мин.) күмүш байгени утуп алышты.
Мындан тышкары Юлия Фернас абсолюттук категорияда күмүш байге алды.
Чемпионатка Россия, Кыргызстан, Казакстан жана Украинадан 100дөн ашуун спортчу катышты.
