БИШКЕК, 27-июл. — Sputnik. Кечээ Украинанын жарандыгынан ажыраган Грузиянын экс-президенти, Одесса облусунун экс-губернатору Михаил Саакашвили бул өлкөгө мыйзамдуу түрдө кайтаарын билдиргенин РИА Новости жазды.
Шершемби күнү Украинанын Миграция кызматы президент Петр Порошенко Саакашвилини украин жарандыгынан ажыратканын кабарлаган. Ал эми Саакашвили мурдараак грузин жарандыгынан кол жуугандан кийин бир гана Украинанын паспорту менен жүргөнүн айткан.
"Мен Украинада үч жылдан бери жашап келе жатам. Үч революцияга катыштым. Менин бир гана жарандыгым бар, мени андан ажырата алышпайт. Учурда мени качкын макамын алсын деп мажбурлоону каалап жатышат. Бирок алардын максаты ишке ашпайт. Мен Украинага мыйзамдуу түрдө кайтам", — деп Саакашвили өзүнүн Facebook баракчасына жазды.
Саакашвили 2013-жылы ноябрь айында жаңы президент шайлангада Грузиядан кеткен. Ал эми ал өлкөнүн прокуратурасы экс-президентке сыртынан бир нече берене боюнча айып таккан.
2015-жылы Порошенко ага Украинанын жарандыгын берип, Одесса облусунун губернатору кылып шайлаган. Бир жылдан кийин Саакашвили украин бийлиги коррупцияга каршы турууга каалоосу жок экенин айтып, ээлеген кызматын таштаган.
Грузия бийлиги бир нече жолу Киевден Саакашвилини экстрадиция кылып берүүсүн суранып, тетири жооп алып келген.
