БИШКЕК, 27-июл. — Sputnik. Ош шаарынын жака белинде Кайгуул милициянын кызматкери 6-класстын окуучусун коюп кеткенин Ички иштер министрлигинин маалымат кызматы билдирди.
Жол кырсыгы Кара-Суунун Кызыл-Кыштак айыл аймагында катталган. Инспектор кызмат учурунан сырткаркы убакта Lada Priora унаасын башкарып бара жатканы айтылууда.
"Жаракат алган окуучу ооруканага жаткырылып, бир нече күндөн кийин чыгарылган. Эч жери сынган эмес. Туугандары даттануудан баш тартты", — деп айтылат маалыматта.
Аталган факты боюнча кызматтык теришитрүү жүргүзүлгөн. Натыйжада облустук Кайгуул милиция башкармалыгынын улук инспекторуна сөгүш берилген. Ал эми рота командирине кол алдындагыларга чабал көзөмөл кылган деп дисциплинардык чара көрүлгөн.
