Бакетаев: президенттин маалымат жыйынында күтүүсүз суроолор берилди
Президенттин маалымат жыйынында күтүүсүз суроолор берилди. Бул тууралуу саясий серепчи Бакыт Бакетаев Sputnik Кыргызстан радиосуна маек куруп жатып билдирди.
Эске сала кетсек, 24-июль күнү өлкө башчы Алмазбек Атамбаев маалымат жыйын куруп, журналисттердин суроолоруна жооп берди.
"Алмазбек Атамбаевдин маалымат жыйыны учурунда атайын даярдалган суроолор болгон жок. Мурунку президенттер учурунда алдын ала даярдалган суроолорго жооп беришчү. Күтүлбөгөн суроолор берилгендиктен президент бирде ачууланса, бирде кубанып жатты", — деди Бакетаев.
Ал өлкө башчынын эки саатка пландалган маалымат жыйыны үч сааттан ашканын кошумчалады.
