Усубалиев: шаардын көркүн бузган жарнамаларды алдырып жатабыз
Шаардын көркүн бузган жарнамалар алынууда. Бул тууралуу "Бишкекбашкыархитектура" муниципалдык ишканасынын жетекчи орун басары Болот Усубалиев Sputnik Кыргызстан радиосуна маек куруп жатып билдирген.
Анын айтымында, жарнамаларда кыргыз тилинин грамматикасы боюнча эрежелер көп бузулат.
"Шаардын көркүн бузуп жаткан жарнамаларды алып жатабыз. Учурда Түштүк магистралдагы мыйзамсыз жарнактарды алдык. Эми башка көчөлөрдү өз билемдик менен илинген жарнамалардан тазалайбыз", — деди Усубалиев.
Ал Чүй, Манас проспектилериндеги мыйзамсыз илинген жарнамалар да алынарын кошумчалады.
