БИШКЕК, 19-июл. — Sputnik. Кытай бийлиги WhatsApp мессенджерин жарым жартылай чектегенин The New York Times басылмасы өзүнүн булагына таянуу менен билдирди.
Колдонуучулардын басымдуу бөлүгү бири-бирине сүрөт, видео керек болсо тексттик билдирүүлөрдү жибере албай жатышканын айтышууда. Эксперттердин айтымында, мындай мүчүлүштүктөр кытай бийлигинин интернет-фильтрлерине байланыштуу. Бул тууралуу жергиликтүү тургундар дагы социалдык тармактарга жазышууда.
Has #China blocked #whatsapp, or is it just a glitch? Can only access thru vpn since yesterday
— Jeremy Koh (@JeremyKohCNA) 18 июля 2017 г.
"Кытай WhatsApp мессенджерине тыюу салдыбы же бул чындап эле бузулдубу? Кечээтен тарта VPN аркылуу гана кирип калдым", — деген пикирин Пекинде жашаган журналист өзүнүн Twitter баракчасына жазган.
Басылманын билдиришинче WhatsApp мессенджери Facebook компаниясына таандык болгондуктан ушундай кадамдар жасалышы мүмкүн. Себеби, Facebook социалдык баракчасына Кытайда чектөө коюлган.
