БИШКЕК, 11-июл. — Sputnik. Шаршемби күнү көпчүлүк аймактарда жаан жаап, күн күркүрөйт. Бул тууралуу Кыргызгидромет билдирди.
Ага ылайык, бийик тоолордо кар жаашы, айрым жерлерде жаан-чачын катуу жаашы күтүлөт.
Кээ бир райондордо батыштан соккон шамалдын ылдамдыгы секундасына 18-23 метрге жетип, абанын күндүзгү температурасы төмөндөйт.
Мындай туруксуз аба ырайы автоунаа, энергетика жана коммуналдык кызматтардын ишин кыйындатат.
Ош жана Бишкек шаарларында жамгыр жаап, абанын температурасы 31 градуска жетет.
