БИШКЕК, 23-июн. — Sputnik. Чүй, Талас облустары менен Бишкек шаарынын айрым жерлеринде жарык өчүрүлөт. Бул тууралуу Улуттук энергохолдингден кабарлашты.
Маалыматка ылайык, 23-июнда Чүй облусунун Васильевка, Бирлик, Пригородный, Дмитриевка, Военно-Антоновка, Новопавловка, Арал, Айдарбек, Ак-Башат, Конуш, Ак-Жол, Беловодское, Ак-Торпок, Ак-Бешим, Кошой айылдары менен Шопоков шаарынын айрым жерлеринде электр энергиясы өчүрүлөт.
Ошондой эле оңдоо иштерине байланыштуу Талас облусунун Аманбаев, Маймак, Саткей, Куру-Маймак, Жоон-Төбө, Сулуу-Маймак, Бакайыр, Ак-Чий айылдарында 09:00дөн 18:00гө чейин электр кубаты жок болот.
Андан сырткары, Бишкек шаарынын "Красный строитель", Дордой, Алтын-Ордо жаңы конуштары менен Аламүдүн-1 жана Тунгуч кичирайондорунда, Москва, Сагымбай манасчы, Бейшеналиева, Түлөбердиев көчөлөрүндө болбойт. Кызыл-Кыяда — Ежевский, Москва, Лев Толстой, Манас, Кызыл-Алма, Көк-Сай көчөлөрүнүн айрым бөлүктөрүндө да электр кубатын берүү үзгүлтүккө учурайт.
