БИШКЕК, 22-июн. — Sputnik. Кыргызстандын футбол боюнча курама командасынын жарым коргоочусу Антон Землянухин СКА-Хабаровск клубуна өткөндүгү тууралуу Футбол федерациясынын маалымат кызматынан билдиришти.
Аталган клуб ушул жылы Россиянын жогорку дивизионуна чыккан. Землянухин менен клубдун ортосундагы келишим бир жылга түзүлдү.
Ушуну менен 28 жаштагы футболчу онунчу клубда ойноп жатат.
Кыргызстанда 2015-жылдын мыкты футболчусу аталган Землянухин буга чейин Түркиянын, Казакстандын, Сербиянын клубдарында ойногон.
