БИШКЕК, 22-июн. — Sputnik. "Ош базарынын" аймагында дары-дармекти мыйзамсыз саткан жайлар жок кылынды. Бул тууралуу мэриянын маалымат кызматы кабарлады.
Билдирүүгө ылайык, базардын айланасындагы дары-дармектерди мыйзамсыз соода кылгандардын ишин токтотуу максатында Бишкектин Ленин райондук администрациясы тарабынан атайын топ түзүлгөн.
"Саламаттыкты сактоо министрлигинин алдындагы дары-дармек жана медициналык техника департаментинин кайрылуусунан кийин "Берекет" объектисинин аймагында дары-дармектерди мыйзамсыз сатуу иштерине бөгөт коюлду", — деп жазылат маалыматта.
Учурда дары-дармектерди мыйзамсыз саткан 17 жайдын ишмердүүлүгү токтотулду.
