БИШКЕК, 22-июн. — Sputnik. Азыркы тапта "Ак-Кеме" мейманасында мүлктөрдү тизмектөө иштери жүрүп жатканын Мамлекеттик мүлк фондусунун маалымат кызматы кабарлады.
Билдирмеге караганда, мейманкана мындан ары кадимки режимде ишин улантат. Ошондой эле анда иштеген кызматкерлер да өз ордунда калтырылат. Буга чейин пландалган иш-чаралар, анын ичинде снукер боюнча Азия чемпионаты да үзгүлтүккө учурабайт.
Мекеме жетекчиси Руслан Сарымсаков Sputnik Кыргызстан агенттигине милиция таңкы 6.00дө келип имаратты курчоого алганын билдирген.
Анын айтымында өзүн "комдук тартипти коргоочулар" деп тааныштырган кишилер имараттын эшигин сындырып кирип келишкен. Алдын ала маалыматтарга караганда милиция менен кошо Мамлекеттик мүлк фондунун кызматкерлери кошо келген.
