БИШКЕК, 16-июн. — Sputnik. Ысык-Көлдө КМШ өлкөлөрүнүн студенттери менен жаш окумуштууларынын эл аралык форуму өтөт. Бул тууралуу Билим берүү жана илим министрлигинен билдиришти.
Маалыматка ылайык, иш-чара сентябрь айында Ысык-Көл жээгинде болот. Эл аралык форум техникалык жогорку окуу жайлардын кыргыз-орус бирикмесинин түзүлгөндүгүнүн 5 жылдыгына арналууда. Ага КМШ өлкөлөрүнүн 20 университети менен кыргызстандык алты жогорку окуу жайынын өкүлдөрү катышат.
