Кыргызстанда жүрөгү оң жагында жайгашкан адамдардын саны ондоп саналат. Алардын арасында Шахноза дагы бар. Ал жүрөгү оң жагында жайгашканын сокур ичегисин алдыртам деп операция жасатканда билген. Ага чейин досторундай эле чуркап, күлүп ойноп чоңойгон. Бой жеткенда турмуш курууга да жетишкен. Бирок башкалардан өзгөчө экенин билген жолдошу аны таштап кеткен. Ушул жана беш жаштагы Даниэлдин окуясын да бул жактан окуңуздар.
"Ата-Бейит" кыргыздын кыраандары жаткан ыйык жай. Бул улуттук тарыхый-мемориалдык комплекси Бишкек шаарынан 30 чакырым алыстыкта жайгашкан. Бул аймакта бейкүнөө айыпталып, атылып кеткен кыргыздын каймактарынын сөөгү көмүлгөн. Жалпысынан алганда 137 киши. Бүгүнкү күнү бул бейиттин жанында Үркүн менен Апрель революциясынын курмандыктарына арналган монументтер да коюлган. Бир четинен алганда улуттун трагедиясы, экинчи жагынан алганда башкаларга сабак болчу окуялардын курмандыктарынын сөөгү жаткан жерге барып куран түшүрүп койсоңуз ашыктык кылбайт.
Сурайын дегеним сиз куйма кулаксызбы, же акма кулаксызбы? Эгер бул сөздөрдүн маани-маңызын түшүнбөсөңүз кулак тууралуу материалдан кенен таанышсаңыз болот.
Америкада атаандашын экинчи раундда жаткыра чапкан мекендешибиз Тилек Машрапов ММА боюнча эл аралык Big Guns 24 турнирин жеңип алды. Мушкер спортко кантип келип калганы, алгач Россияга иштейм деп барганы жана үй-бүлөсү, мекени тууралуу кенен маек куруп берди.
Техниканы айымдар анчейин түшүнө бербейт, алардын орду ашкана деген түшүнүк биз эркектердин мээсинде кыттай уюп калган. Бирок калыптанып калган бул ойду уста кыз Юлдуз Байбаева четке какты. Ал жаштайынан эле атасына жардам берип жүрүп, машинанын ар бир тетиги кайда экенин, ал кандай оңдолорун өздөштүрүп алган. Юлдуз унааны кантип оңдоп жатканын бул жактан окуп көрүңүздөр.
Валюта наркы. Сомдун баасы долларга карата орто эсеп менен 68.36 (сатып алуу) жана 68.61 (сатуу) сомду түздү.
Мунай баасы. Бишкекте орточо эсеп менен алганда АИ-92 үлгүсүндөгү май 39.50 сом, АИ-95 үлгүсүндөгү бензин 42.00 сом, ал эми дизель майы 37.50 сомдон сатылууда.
Соңку сөз. Сабырдын түбү сары алтын, бир аз сабырдуу бололу. Расул Үсөналиев
