Бишкекте мотоциклченди машина коюп кеткенин күбө видеого тартып калган

© AFP 2023 / ROBERTO SCHMIDTМужчина управляет мопедом на улице Мале
Мужчина управляет мопедом на улице Мале - Sputnik Кыргызстан
Жазылуу
Алдын ала маалымат боюнча мотоцикл айдаган киши кызыл жарыкка карабай жолдон өтүп кетем деп аракеттенген.

БИШКЕК, 14-июн. — Sputnik. Бишкек шаарынан мотоциклченди машина коюп кеткенин күбө Sputnik Кыргызстан агенттигинин WhatsApp номери аркылуу билдирди.

Анын айтымында, жол кырсыгы 13-июнь күнү Абдрахманов жана Москва көчөлөрүнүн кесилишинде саат 23:00дөр чамасында болгон. 

"Абдрахманов көчөсү менен жогору кетип баратканбыз. Жол кырсыгына кабылган автоунаа жашыл жарыкка өтүп баратканын даана көрдүм. Москва көчөсү менен келе жаткан мотоциклчен кызыл жарыктан өтүп кетем деген окшойт. Катуу үн чыкты, карасак экөө кагышыптыр", — деди күбө.

Бишкек ШИИБдин Кайгуул милиция башкармалыгы кырсык болгонун тастыктады.

Ал эми Тез жардам кызматына аталган даректеги жол кырсыгы боюнча билдирүү келип түшкөн эмес.

Жаңылыктар түрмөгү
0