БИШКЕК, 12-июн. — Sputnik. Бишкек — Ош жолунун Төө-Ашуу ашуусундагы бөлүгү оңдоло баштаганын Транспорт жана жол министрлигинен билдиришти.
Маалыматка караганда, жолдун 132-145-чакырымынын айрым жерлерине жаңы бетон төшөө үчүн эски асфальттын үстүңкү бөлүгү алынган.
"Мындан тышкары, Суусамыр өрөөнүндөгү 148-152-чакырымына калыңдыгы жети сантиметрге жеткен жаңы бетонду төшөө үчүн эски жолдун үстүңкү катмары кырылып жатат", — деп айтылат билдирүүдө.
Оңдоо иштери үчүн атайын техника тартылган.
