Сурабалдиева: кыргыздарда тең укуктуулук илгертен эле болгон
Кыргыздарда тең укуктуулук илгертен эле болгон. Бул тууралуу КСДП фракциясынын депутаты Элвира Сурабалдиева Sputnik Кыргызстан радиосуна маек куруп жатып билдирди.
Анын айтымында, элдин жашоосунда эркек менен аялдын ортосундагы тең укуктуулук болуп келгенине Курманжан датканын өмүр жолу анык мисал боло алат.
"Ошол эле араб өлкөлөрү, Европа менен салыштырсак кыргыздарда тең укуктуулук илгертен эле болгон. Мисал катары Курманжан датка тууралуу айтсак болот. Мындан сырткары, кыргыздарда күйөөсү каза болгон айымдар гана экинчи аял болуп турмушка чыгышкан", — деди Сурабалдиева.
Депутат учурда Кыргызстанда гендердик укук жаатында жакшы жылыштар болуп жатканын кошумчалады.
