Билим берүү жана илим министрлигинин маалыматына ылайык, быйыл 9-классты аяктагандардын саны 92 миң, ал эми 11-класстын бүтүрүүчүлөрү 62 миңди түзөт. Бул күнү коомдук тартипке ички иштер органдарынын 4000ден ашуун кызматкери көз салат.
Sputnik Кыргызстан агенттиги мектеп менен коштошуп жаткан окуучулардын майрамдык сүрөт түрмөгүн сунуштайт.
Бүгүн, 25-майда жер-жерлерде акыркы коңгуроо кагылып, 62 миң окуучу мектеп менен коштошууда
Акыркы коңгуроого арналган иш-чарада өнөрүн тартуулап жаткан жаш таланттар
Окуучулар дал ушул көгүчкөндөр сыяктуу уядан учуп чыгып турмуштун даңгыр жолуна аттанышат
Майрамдын шаңы менен жарыша чуркап бараткан кенже класстын окуучулары
Коштошуу кечеси окуучуларга эстен кеткис ирмемдерди тартуулайт
Окуучулук күндөрү артка кайтып келбесин билген бүтүрүүчүлөр эстеликке сүрөткө түшүп жатышат
Бул күнү ата-энелер балдардан ашып түшүп кубанып куттуктоо үчүн мектепке келишет
Кеченин көркүн ачып бийлеп жаткан кыздар
Майрамдык маанай. Колдоруна гүл кармап жүзүндө жылмаюу менен турган мугалим жана окуучу
Ак көйнөк, кара юбка. Катар тизилген бүтүрүүчүлөр куттуктоолорду кабыл алып, концертке күбө болууда
Бул күн бүтүрүүчүлөр үчүн бир чети кубанычтуу болсо, бир чети кайгылуу болот. 11 жыл бирге окуган классташтары менен коштошуу да жеңил эмес
Соңунда коңгуроо акыркы ирет кагылып, иш-чара жыйынтыкталды
