БИШКЕК, 25-май — Sputnik. Шайлоочулар 119 номерине кат жөнөтүп өзүнүн шайлоо участогун аныктай алат. Бул тууралуу Мамлекеттик каттоо кызматынан кабарлашты.
Билдирүүгө ылайык, 18 жаштан жогору жарандар уюлдук телефону менен 119 кыска номерине өзүнүн паспортунун ПИН кодун жиберип, кайсы шайлоо участогунун тизмесинде экендигин аныктай алат. Эгер кат түрүндө келген жооп туура эмес болсо, анда ушул эле кыска номер аркылуу чалуу аткарууга болот.
Аталган кызмат акысыз көрсөтүлүп, 24-майда ишке кирди. Мындай аракеттер май айында боло турган жергиликтүү кеңештердин депутаттарын жана күздө өтчү президенттик шайлоого даярдык катары көрүлүүдө.
