Өкмөт башчы чала иштеген аткаминерлерди зекип, эскертүү берди

© Пресс-служба правительства / Сабыр АильчиевПремьер-министр Сооронбай Жээнбеков на заседании правительства
Премьер-министр Сооронбай Жээнбеков на заседании правительства - Sputnik Кыргызстан
Жазылуу
Жыйындын соңунда айрым жетекчилерге эскертүү берилип, кээсинин кызмат ордун карап чыгуу тапшырылды.

БИШКЕК, 23-май — Sputnik. Министрликтер жана ведомстволор жарандар менен иштөөгө жетишерлик көңүл бурбайт. Мамлекеттик органдар жарандардын кайрылууларына ыкчам жооп берүүсү зарыл. Аны менен бирге жооптор мазмундуу жана негиздүү болушу керек. Бул тууралуу премьер-министр Сооронбай Жээнбеков өкмөттүн жыйынында билдирди.

Анда мамлекеттик органдардын 2016-жылдын 1-кварталына карата аткаруучулук тартиби каралган.

Премьер 2016-жылдын жыйынтыгы боюнча өкмөттүн аппаратына 1776 актынын долбоору келип түшкөнүн, анын 545 же 30,6 пайызы демилгечилерге кайтарылганын баса белгиледи.

"Өкмөт – мыйзамдарды аткарууну камсыз кылуучу аткаруу бийлигинин башкы органы. Аны менен бирге айрым министрликтер менен ведомстволордун жетекчилери аткаруучулук тартипке жана коюлган тапшырмаларды аткаруунун мониторингине жетиштүү деңгээлде көңүл бурбайт. Жарандардын кайрылууларына көңүл буруу иши жетишерлик деңгээлде эмес. Көпчүлүк мамлекеттик органдар жарандардын кайрылууларына негиздүү жооп бербейт, же жарандардын кайрылуулары мекемеден-мекемеге жиберилет", — деди Жээнбеков.

Жер титирөөдөн жабыркаган үйлөр. Архив - Sputnik Кыргызстан
Жер титирөөдөн үйлөрү жарактан чыккан чоң-алайлыктарга ӨКМ цемент жөнөттү
Ал ошондой эле Бишкек шаарынын жашоочусу Мамлекеттик мүлктү башкаруу фондусуна жазган катына 73 күндөн кийин жооп алганын айтып, мындай аракеттерге жол берилбеши керектигин айтты.

Талкуунун жыйынтыгында аткаруучулук тартипте кетирген кемчиликтери үчүн Маданият, маалымат жана туризм министринин орун басары Фархат Бекмамбетовдун ээлеген кызмат ордун кароо чечими кабыл алынды.

Андан сырткары, Айыл чарба тамак аш өнөр жай жана мелиорация министрлигинин, Эмгек жана социалдык өнүгүү министрлигинин статс-катчыларына жана Мамлекеттик каттоо кызматынын төрагасынын орун басарына эскертүү берилди.

Ошондой эле транспорт жана жолдор министри Жамшитбек Калиловго, ушул эле мекеменин статс-катчысы Эрмек Мамыркалиевдин дисциплиналык аткаруу милдетине болгон жоопкерчилигин карап чыгуу тапшырылды.

Жаңылыктар түрмөгү
0