Абдуллаев: арыз менен кайрылсам мэриядагылар аябай таң калышты
Калаа жашоочусу мэрияга кайрылганда ал жактагылар аябай таң калганын айтат.
"Буга чейин минтип арыз жазгандар болбоптур. Алгач "Бишкекасфальтсервис" муниципалдык ишканасынын өкүлдөрүнө кайрылганымда такыр көңүл бурбай коюшту. Кийин арыз жазгандан кийин арызды алып эле койбойсузбу, бизге сабак болсун дешти", — деди ал.
Бирок Абдуллаев мамлекеттик ишканалар кетирген катачылыгы үчүн чыгымга учурабаса кемчилигин моюнга албай турганын, аларга сабак болбой турганын айтты. Бишкек шаарынын тургуну үч жолу арыз менен тийиштүү жактарга кайрылып, 69 күн дегенде чыгымын өндүрүп алган.
