БИШКЕК, 11-май — Sputnik. Өзгөн районуна караштуу Жалпак-Таш айыл аймагынын Курбу-Таш менен Маркс айылдарынын ортосунда жер көчкү жүргөн. Акырындык менен жылып отурган жер массасы 10-майга карата жалпысынан 45 турак-жайды, ФАП, мечитти, мектептин пайдубалын, 35 электр мамысын, көрүстөндү басып калды. Бул тууралуу ӨКМ билдирди.
Буга чейин аталган айылдын тургундары башка аймактарга көчүрүлгөн. Мектептин курулуш материалдары да куткаруучулар тарабынан коопсуз жайга көчүрүлгөн.
Жер көчкү жүрүп жаткан аймакта 61 турак-жай, 4 социалдык объект (мектеп, бала бакча, ФАП жана мечит) жайгашкан.
