Кыргызстан эгемендүүлүктү алгандан бери өткөрүлүп жаткан эң ири акциялардын биринин бул ирет асмандан көрүнүшү сөз менен айтып жеткиргис болду.
Жүрүштүн узундугу 2,2 чакырымга чейин жетип, катышуучулар Улуу Ата мекендик согушта душмандары менен салгылашкан чоң ата, чоң энелеринин сүрөттөрүн бийик көтөрүп, айрымдары аларды эстеп көздөрүнө жаш алып, согуш мезгилиндеги ырларды аткарышты.
"Өлбөс полк" — 9-майга карата жыл сайын өткөрүлүүчү эл аралык ири акция. Ал Улуу Ата Мекендик согуштун ардагерлердин жана катышуучулардын элесине арналган. Массалык жүрүштө согушта курман болгондордун жакындары алардын сүрөттөрүн көтөрүп өтөт.
Бул акция бүгүн Кыргызстандын бир канча облустарында жана шаарларында да болду.
