Мусабекова: интернетке чыккан аудионун керектүү жерин кесип алышыптыр
Социалдык тармактарда эл өкүлү Жылдыз Мусабекова менен журналист Үпөл Анаркулованын телефондук сүйлөшүүсү делген аудио тарады. Депутат анын монтаждалганын айтууда.
"Азыр техниканын өнүккөн заманы, өзүнө керектүү жерлерди алып, айрым жерлерин кошуп жасашыптыр. Керек болсо дүйнө лидерлери Путиндин, Трамптын деле сүйлөгөндөрүн жасап коюп жатпайбы", — деди депутат.
Ал ошондой эле журналисттер бир маалыматты жазып жатканда анын логикалык жагын карап, чын-бышыгын тактап, бардык тараптын пикирин бериши керектигин баса белгиледи.
