БИШКЕК, 26-апр. — Sputnik. Нью-Дели шаарында Кыргызстандын улуттук тамак-ашынын бир жумалыгы болуп өттү. Бул тууралуу КР Тышкы иштер министрлигинин маалымат кызматы билдирди.
Индиядагы беш жылдыздуу мейманканада жашагандар 10 күн бою кыргыздын улуттук тамактарынан даам сызууга мүмкүнчүлүк алышты. Тамактар Кыргызстандан алып келинген азык-түлүктөн жасалган.
Кыргызстандык ашпозчулар бешбармак, манты, куурдак, палоо, боорсок, чак-чак жасап, конокторго сунуштаган.
ТИМден тамактардын менюсу ашпозчулар тарабынан түзүлгөнүн маалымдашты.
Кыргыз ашканасынын жумалыгы ошондой эле кол өнөрчүлүк, концерт менен коштолгон. Андан сырткары, Кыргызстанга келип кетүү үчүн эки кишиле авиабилет ойнотулган.
