БИШКЕК, 24-апр. — Sputnik. Дагестандагы мектептин компьютердик классында жарылуу болду. Натыйжада бир окуучу каза болуп, дагы 11 бала жабыркаган. Бул тууралуу РИА Новости республиканын ИИМине шилтеме берүү менен жазып чыкты.
Ал эми мектеп директорунун орун басары Магомеддибира Зубаированын айтымында, жалпы 13 окуучу жабыркаган.
Үч окуучу оор абалда реанимацияда жатат.
"Сегизинчи класстын окуучусу компьютердик класска граната көтөрүп келиптир. Натыйжада жардыруу болду", — деп мектептин директору Шамиль Абакаров билдирди.
Граната көтөрүп келген бала кармалган. Мектеп курчоого алынып, окуя болгон жерде оперативдик тергөө тобу иштеп жатат.
