БИШКЕК, 18-апр. — Sputnik. Тажикстанда "Улуттук ысымдардын реестри" жарыяланып, ал өлкөнүн Маданият министрлигинин сайтына жарыяланды.
"Реестрге жалпысынан тажикче 3000 ысым киргизилген. Ошондой эле алардын кириллица жана латын тамгалары менен туура жазылышы да көрсөтүлгөн", — деп Маданият министрлиги билдирген.
18 Чын Куран 2017, 15:51
Sputnik Тажикстан маалымат агенттигинин маалыматына ылайык, аталган каталог Тажикстандагы улуттук тарых менен маданий баалуулуктарды арттыруу үчүн сунушталган. Ысымдардын тизмесин басып чагырууга тажик өкмөтү 2016-жылы 27-июлда уруксат берген болчу.
Тажикстанда 2016-жылдан тарта мамлекеттик тилдин нормаларын сактабагандарга 45 660 сомони (6 миң доллардай) айып салуу каралган. Мамлекеттик тил комитетинин алдындагы атайын комиссия гезит-журналдардагы, телеканалдардагы тажик тилинин нормаларынын сакталышын такай көзөмөлдөп турат.
