БИШКЕК, 18-апр. — Sputnik. "Форсаж-8" тасмасы дүйнөлүк прокатта бир жумада чогулткан каражат боюнча рекорд койгонун ВВС телеканалы маалымдады.
Бир жумада аталган тасма 532,5 миллион доллар топтогон. Буга чейин "Жылдыздар согушу": "Күчтү ойготуу" тасмасы эсептелип келген. Ал бир жумада 529 миллион доллар чогулткан болчу.
Белгилей кетсек, тасманын биринчи сериясы 2001-жылы тартылган. Андагы башкы каармандын образын Вин Дизель ачып, ошондон бери аталган тасмада башкы ролду ойноп келет. Башкы каармандардын бири Пол Уокер тасманын жетинчи бөлүмү тартылып жаткан учурда каза болгон.
"Форсаже-8", тасмасына Дизелден тышкары Шарлиз Терон, рэпер Лудакрис, Дуэйн "Скала" Жонсон, Жейсон Стэтхем, Тайриз Гибсон, Мишель Родригес жана Курт Рассел тартылган.
Бул тасманын акыркысы эмес, жаратуучулар анын тогузунчу бөлүгүн 2019-жылы тартып, онунчу бөлүгүн экрандаштырууну пландап жатышат.
