БИШКЕК, 15-апр. — Sputnik. Бишкек шаарынын көчөлөрүндөгү чектөөлөр толугу менен алынып, учурда жолдор ачык экенин шаардык Кайгуул милиция башкармалыгынан билдиришти.
Шаардын айрым көчөлөрүнө ЕАЭБдин саммити жана ЖККУ мамлекет башчыларынын бейрасмий жолугуусунан улам 13-апрелден тарта чектөө киргизилген.
Мында негизинен Жибек Жолу, Чүй, Чыңгыз Айтматов, Манас, Жаш Гвардия проспектилерине жана Фучик, Абдрахманов, Байтик баатыр көчөлөрү жабылып, чектөө 15-апрелге чейин болору маалымдалган.
"Бүгүн саат 9:00дө шаардын көчөлөрүндөгү бардык чектөөлөр алынды. Бишкекке келген президенттердин акыркысы учуп кетти, калаанын жолдору толугу менен ачык", — дешти Кайгуул милициядан.
Эки ири иш-чара тең 14-апрелде Бишкекте өттү.
