БИШКЕК, 14-апр. — Sputnik. Бишкекте Евразиялык экономикалык Жогорку кеңештин жыйыны башталды.
Ага быйыл Кыргызстан төрагалык кылууда.
Саммитке Серж Саргсян (Армения), Александр Лукашенко (Белорусия), Нурсултан Назарбаев (Казакстан) Алмазбек Атамбаев (Кыргызстан) жана Владимир Путин (Россия) катышууда.
Атамбаев саммиттин катышуучуларына "Кыргызстанга кош келдиңиздер" деп саламдашты.
"Бүгүн күндүн темасына бир катар маселелер коюлуп, алар каралат. Биздин жолугушуу жемиштүү болот деп ишенем", — деди президент.
Жыйын болжол менен саат төрттөрдө аяктайт.
