БИШКЕК, 10-апр. — Sputnik. WhatsApp месенджери аркылуу акча жөнөтүүгө мүмкүн боло турганын Британиялык Bloomberg басылмасы жазып чыкты.
Маалыматка караганда, жаңы функция алгач Индияда иштей баштайт. Себеби анда санариптик төлөмдөр популярдуу келип, 200 миллионго жакын адам төлөм мессенджерлерин колдонот.
Сервис жарым жылдан кийин ишке кирип, UPI төлөм системасынын базасында иштейт. Азырынча акча которуу комиссиясы жана кызматтын бардык мамлекеттерге качан жайылышы айтыла элек.
Ушундай эле кызмат "ВКонтакте" социалдык тармагында иштеп келет.
