БИШКЕК, 29-мар. — Sputnik. Улуу Британияда Стаффордширск бультерьери тукумундагы ит кожоюну телеканалга маек берип жатканда талап салган. Бул туурасында РИА Новости Daily Mail басылмасына шилтеме берип кабарлады.
Окуя Лондон шаарынын түндүк тарабында болгон. Иттин бир нече ирет кол салганын көргөн BBC TV телеканалынын кызматкерлери өздөрүн жоготуп койгондуктан, эч нерсе кыла алган эмес. Жарадар болгон ээси ооруканага жеткирилип, эки сааттан кийин каза болуп калган. Мындай кайгылуу окуядан кийин итти атайын жайга киргизип, учурда аны эмне кылуу керектигин сүйлөшүп жатышат деп билдирген басылма.
Улуу Британияда "Өзгөчө иттер туурасында акты" деп аталган документ бар. Анда соттун уруксатысыз бакпаш керек деген кооптуу иттердин тизмеси киргизилген. Анын катарында питбультерьер, Япон тоса-ину, Аргентина догу жана Фила бразелейро тукумундагылар бар. Ал эми кечээ кожоюнун кемирип салган Стаффордширск бультерьери бул тизмеге катталган эмес.
