Кыргызстандык ишкер интернеттен соода жасап 8 миллион рублга алданды

© Sputnik / Максим Богодвид / Медиабанкка өтүүРоссия рубли. Архив
Россия рубли. Архив - Sputnik Кыргызстан
Жазылуу
Кармалган кишинин кылтагына кыргызстандык ишкер эле эмес, башка өлкөнүн жарандары да илинген.

БИШКЕК, 29-мар. — Sputnik. Кыргызстандык ишкерди россиялык компания өсүмдүк майын жеткирип беребиз деп ири суммага алдап кеткен. Бул маалыматты Sputnik Кыргызстан агенттигине ИИМдин Россиядагы өкүлү Аскат Алиев тастыктады.

Жогорудагы факт боюнча Москва шаардык полициясы тарабынан тергөө иштери жүрүп, алдамчылыкка шектелген жаран кармалган. Азырынча жабырлануучу тараптын акчасы кайтарыла элек.

Алиевдин айтымында, 2015-жылдын октябрь айында Бишкектеги жеке менчик ишкананын директору, россиялык компания менен байланышып, интернет аркылуу өсүмдүк майын сатып алуу боюнча келишим түзгөн.

"Кыргызстандык ишкер соодагер менен жүзмө-жүз көрүшпөй туруп аталган компанияга банк аркылуу 8 миллион рубль которгон. Келишимге ылайык алар товарды он күндүн аралыгында Бишкекке жөнөтмөк. Бирок акчаны алгандан кийин келишимдеги милдеттерин аткарбай качып жүргөн", — деди Алиев.

Ал ошондой эле кармалган кишинин кылтагына кыргызстандык жаран эле эмес, башка өлкөнүн да жарандары илингенин баса белгиледи.

Андан сырткары, эгер ушундай окуяларга кабылгандар болсо убакытты созбой ИИМдин өкүлчүлүгүнө кайрылууга чакырат.

Жаңылыктар түрмөгү
0