БИШКЕК, 28-мар. — Sputnik. Бишкек шаарындагы ремонт иштери жүрүп жаткан жолдор көрсөтүлгөн карта даярдалды. Бул тууралуу шаардык мэрия билдирди.
Ага ылайык, эл аралык "2 ГИС" маалыматтык сервиси мэрия менен биргеликте ремонт иштери жүрүп жаткан жолдорду картадан белгилеген. Анын жардамы менен жүргүнчүлөр кайсы көчөдө ремонт болуп жатканын алдын ала биле алат.
Ушу тапта "Бишкекасфальтсервис" ишканасы Бел, Нурек, Сары-Челек, Бухара, Наманган көчөлөрүндө оңдоп-түзөө иштерин жасоодо. Анын жалпы узундугу 6 миң 770 метрди түзөт. Ремонттук иштер үстүбүздөгү жылдын август айында бүткөрүлөт. Мындан сырткары Калинин, Шабдан баатыр көчөлөрүндө ремонт иштери жүрүүдө.
